“Душанбе Сити Бонк” номгӯи маҳсулоти қарзии худро васеъ карда, қарзи нави “Ломбард”-ро пешниҳод кард. Барои гирифтани ин қарз муштариён метавонанд маснуоти тиллоии худро ба гарав гузошта, танҳо бо пешниҳоди шиноснома маблағи заруриро дастрас кунанд.
Қарзи “Ломбард” барои муштариёне пешбинӣ шудааст, ки барои эҳтиёҷоти шахсӣ, оилавӣ ё тиҷоратии худ ба маблағ ниёз доранд. Барои гирифтани қарз танҳо маснуоти тиллоӣ ба гарав қабул карда мешавад.
Барои гирифтани қарз муштарӣ метавонад ба яке аз филиалҳои “Душанбе Сити Бонк” муроҷиат кунад. Мутахассисони бонк маснуоти тиллоиро арзёбӣ карда, дар расмикунонии қарз ба ӯ кумак мекунанд.
Ба гуфтаи масъулини бонк, пешниҳоди танҳо як ҳуҷҷат — шиноснома ва соддагии раванди расмикунонӣ ба муштариён имкон медиҳад, ки маблағи заруриро зудтар дастрас кунанд.
Маълумоти пурра дар бораи шартҳои қарзи “Ломбард”, аз ҷумла меъёри фоиз, муҳлат ва маблағи қарз, дар сомонаи credit.dc.tj ҷойгир шудааст.
